Normally I don’t really believe it but my colleague keep sending it to me in MSN, reminding me not to change job after CNY.As usual, we start worry who is the next to leave the company again.Haha…. seems that all sagittarian cannot change job on 2008??

壓力星土星會由你的第9宮移入你的第10宮，代表你的事業運會受到壓力！響０８年最唔好攪的就係尋求事業突破，所以凡係諗住創業呀、轉工呀又或者轉行呀咁呢，可以避免得就避免啦！連平日一向響公司度成隻蟹咁橫行開的人馬人，都最好要收斂一下，唔好大大聲諗住老細唔敢郁你，因為響事業弱勢的０８年咩事都會發生！另外亦要留意自己響工作的聲譽，好容易惹來閒言閒語中傷，呢一年的座右銘係～「眼不見為乾淨！」！好彩，響０８年大吉星木星會去到你的金錢宮，為你的財運帶來好好！好好的運氣，正財收入會大大提高，可喜可賀！０８年你的主星木星會響５月中至９月中呢段期間逆行，要多ｄ利用其它日子處理重要決定呀！

事業運～
正如頭先所講，響０８年土星會進入你的事業宮，影響到呢方面的運氣，記得要避免轉工轉行，更加唔好貿貿然走去創業呀！仲有係響公司要收斂一下氣焰，千祈咪頂你老細咀呀！

金錢運～
得到木星的眷顧，響０８年正財收入好到爆（唔知係咪因為畀公司炒所以得到賠償呢…）；而橫財同偏財都有著數，唯一要留意係１月，要注意外圍因素影響呀！

戀愛運～
單身的人馬人戀愛運合格，只要響１月唔好衝動亂來，事睇定ｄ就全年平安冇問題；反而係拍緊拖或者已婚的人馬人要留意，響０８年同情人容易發生口角，記相嗌唔好口，仲有係唔好將自己的脾氣發響對方的身上啦！